रेडियो ताप्लेजुङ

असोज   ५ गते ।जिल्ला सहकारी सङ्घ लिमिटेड, ताप्लेजुङले भोटेकोशी बाढीबाट प्रभावितका लागि ७८ हजार २६५ रुपैयाँ ‘प्रधानमन्त्री प्राकृतिक प्रकोप राहत कोष’मा जम्मा गरिदिएको छ।

सङ्घका जिल्ला अध्यक्ष टामन सिग्देलका अनुसार उक्त कोषमा संस्था र संस्थामा आबद्ध सहकारीकर्मीहरूबाट समेत एकमुष्ट रूपमा रकम जम्मा गरिएको हो।

जसअन्तर्गत ताप्लेजुङ बहुउद्देश्य सहकारी संस्था लिमिटेड, फुङ्लिङ–५ ले २५ हजार रुपैयाँ, न्यू कञ्चनजङ्घा कृषि सहकारी संस्था लिमिटेड, फुङ्लिङ–५ ले १० हजार १०५ रुपैयाँ, तमोर महिला कृषि सहकारी संस्था लिमिटेड, फुङ्लिङ–४ ले १० हजार १०५ रुपैयाँ, कञ्चनजङ्घा बहुमुखी सामुदायिक सहकारी संस्था लिमिटेड, फुङ्लिङ–४ ले १० हजार रुपैयाँ, आधारभूत बहुउद्देश्य सहकारी संस्था लिमिटेड, फुङ्लिङ–४ ले ५ हजार ५५ रुपैयाँ र शुभलाभ बहुउद्देश्य सहकारी संस्था लिमिटेड, फुङ्लिङ–५ ले ५ हजार रुपैयाँ सहयोग गरेका हुन्।

सहकारीकर्मीहरूको तर्फबाट सङ्घका अध्यक्ष सिग्देलले ५ हजार रुपैयाँ सहयोग गर्नुभएको छ। त्यस्तै, ताप्लेजुङ बहुउद्देश्य सहकारी संस्था लिमिटेडका सचिव तेजबहादुर भट्टराई, कोषाध्यक्ष खड्गबहादुर मोक्तान, लेखा संयोजक तारा बराल र सदस्य बलबहादुर ओख्राबुले जनही २ हजार रुपैयाँका दरले ८ हजार रुपैयाँ सहयोग गर्नुभएको बताइएको छ।

भोटेकोशी बाढीको घटनाप्रति दुःख व्यक्त गर्दै सङ्घले राहत तथा उद्धारमा सक्दो सहयोग गर्न सम्पूर्णमा आग्रह गरेको छ।

भारी वर्षाले विपद निम्त्याउन सक्ने भन्दै सतर्क रहन ताप्लेजुङ प्रशासनको आग्रह

रेडियो ताप्लेजुङ असोज ७ गते । असोज ९ गते शुक्रबारदेखि असोज ११ गते आइतबारसम्म देशभर ठूलो वर्षा हुने पूर्वानुमान रहेकाले जिल्ला प्रशासन कार्यालय

लगातार ओरालो लाग्दै अलैंचीको भाउ, ताप्लेजुङका व्यवसायी भन्छन् : उत्साहजनक कारोबार छैन

किरण गदाइली असोज ६ गते । पछिल्लो समय दिनहुँजसो अलैंचीको भाउ घट्ने क्रम जारी छ।नेपाल अलैंची व्यवसायी सङ्घ ताप्लेजुङका अध्यक्ष भद्रवीर रेग्मीका

१४ वर्षअघि फरार भएकासहित ताप्लेजुङ प्रहरीद्वारा ६ प्रतिवादी पक्राउ

किरण गदाइली असोज ५ गते । जिल्ला प्रहरी कार्यालय ताप्लेजुङले पछिल्लो  दिनमा ६ जना फरार प्रतिवादीलाई पक्राउ गरेको छ। जिल्ला अदालत ताप्लेजुङ र जिल्ला