जेष्ठ २७, २०७५आनन्द गौतम/ताप्लेजुङ — जिल्लाको पाथीभरा जाने सडक अलपत्र परेको छ । सरकारले घोषणा गरेको रकम नआएपछि निर्माण कार्य अघि बढ्न नसकेको हो । केपी ओलीले अघिल्लो पटक प्रधानमन्त्री हुँदा पाथीभरा भ्रमणको क्रममा सुकेटारदेखि भालुगौंडेसम्मको ११ किलोमिटर सडक स्तरोन्नतिका लागि १० करोड दिने घोषणा गरेका थिए ।

घोषणापछि उत्तर(दक्षिण लोकमार्ग आयोजनाले टेन्डर खुलायो र ६ करोडमा टेण्डर पर्‍यो। तर, त्यही छ करोड पनि नआएपछि अहिले काम ठप्प छ। ओलीले भने प्रतिनिधि तथा प्रदेशसभा निर्वाचनमा आफूले दिएको रकमको व्याख्या गर्दै कम बजेटमा ठेक्का हालेको भन्दै कटाक्ष गरेका थिए।

निर्माणको क्रममा दुई करोडको काम गरिसकेका ठेकदारले मजदुर, मेसिन, पेट्रोलको भुक्तानी दिन नसकेपछि काम छोडेका छन्। कार्यालयका अनुसार ६ करोडमध्ये अहिलेसम्म ९० लाख रुपैयाँ मात्रै आएको छ। विभागसँग मागेर निर्माण प्रक्रिया बढाउने प्रयास भने भइरहेको आयोजना प्रमुख कुवेर नेपाली बताउँछन्।

अब चार करोड रुपैयाँ आए सुकेटारदेखि दुई किलोमिटर कालोपत्रे र बाँकी सडक स्तरोन्नति गर्न सकिने आयोजनाले बताएको छ। तर, प्रधानमन्त्रीले बोलेको रकम आउँछ आउँदैन निश्चय छैन। वार्षिक दुई लाख बढी तीर्थयात्री भित्रिने ताप्लेजुङमा सडकको दुरावस्थाले हैरानी थपेको छ। स्थानीय भन्छन्, ‘कि नबोल्नु, बोले कार्यान्वयन गर्नु।’ तर कार्यान्वयन हुनेरनहुने भन्ने द्विविधा छ।(फोटोः गुगल बाट )स्रोतः कान्तिपुर

एमाले अधिबेशनका लागि शुक्रबार प्रतिनिधि चयन 

रेडियो ताप्लेजुङ । बैसाख २१ गते । नेकपा एमालेको १२औं जिल्ला अधिबेशन सुरु हुने तीन दिनअघि शुक्रबार वडा– वडावाट प्रतिनिधि चयन हुँदैछ । जिल्ला कमिटिमा

ताप्लेजुङ पर्यटन महोत्सव २०८१ को प्रधानमन्त्री दाहाललाई निम्तो

रेडियो ताप्लेजुङ । बैसाख २१ गते । प्रधानमन्त्री पुष्पकमल दाहाल ‘प्रचण्ड’ले ताप्लेजुङ पर्यटन महोत्सव २०८१ को विहिबार निम्तो ग्रहण गर्नुभएको छ ।

पुनरावलोकन सहितको कार्य सम्पादन मूल्याङ्कन नतिजामा पनि मैवाखोला कोशी प्रदेश भरिमै प्रथम 

  ताप्लेजुङ , चैत्र ६ गते । कार्य सम्पादन मूल्याङ्कनको पुनरावलोकन सहितको नतिजाका आधारमा पनि ताप्लेजुङको मैवाखोला गाउँपालिका कोशी प्रदेशमा प्रथम