ताजा खबर

एमाले अधिबेशनका लागि शुक्रबार प्रतिनिधि चयन 

रेडियो ताप्लेजुङ । बैसाख २१ गते । नेकपा एमालेको १२औं जिल्ला अधिबेशन सुरु हुने तीन दिनअघि शुक्रबार वडा– वडावाट प्रतिनिधि चयन हुँदैछ । जिल्ला कमिटिमा रहेका वाहेक सबैले आफु सदस्य रहेको वडावाट चयन भएर आउनु पर्ने भएकाले शुक्रबार सबैको ध्यान वडा केन्द्रित भएको छ । अध्यक्षको आकांक्षी डम्वरध्वज तुम्वाहाम्फे र वलवहादुर साम्सोहाङ भने सदरमुकाम फुङलिङमै छन् । दुवैले वडावाट आफुहरुको नाम सिफारिस भएर आउने वताए । तुम्बाहाम्फेले भने,‘म सदरमुकाममै छु । प्रतिनिधि वडाबाट चयन भएर आउँछन् ।’ साम्सोहाङले पनि आफू सदरमुकाममै रहेको र वडावाट प्रतिनिधि सिफारिस भएर आउने वताए । उपाध्यक्षको उम्मेद्धारको तयारीमा रहेका छत्रपति प्याकुरेल फुङलिङ नगरपालिका–४ वाट प्रतिनिधि चयन हुने निश्चित भएको छ । प्याकुरेलसहित दुर्गा पालुङवा र एक जना महिला गरी तीन जनाको नाम वडाले टुङ्ग्याएको एमाले श्रोतले वताएको छ । 
यता अधिबेशनका लागि केन्द्रवाट नेताहरु आउने क्रम सुरु भएको छ । एमाले सचिव योगेश भट्टराई शुक्रबार विहान हवाईजहाज वाट आउने तयारी छ । युवासंघका केन्द्रीय अध्यक्ष क्षितिज थेवे लगायतको टोली विविबार नै ताप्लेजुङ आइपुगेको छ । डम्वरध्वज समुहमा सचिव र उपसचिवको विषयमा अझै निश्चित भइनसकेकाले थेवेको उपस्थितिमा पनि छलफल हुने श्रोतले जनाएको छ । पार्टी अध्यक्ष भुपेन्द्र थेवेले सन्तोष चाम्लिङलाई र पोलिटब्युरो सदस्य तिलकुमार मेन्याङवोले घनेन्द्र मादेनलाई सचिव वनाउनु पर्ने पक्षमा रहेको थेवे पक्षका श्रोतको दावी छ । मादेनले सचिव पाए चाम्लिङलाई उपसचिव वनाउने र गोेपाल न्यौपानेलाई सचिवालय सदस्य वनाउनेगरी तयारी भइरहेको श्रोतको दावी छ । तर आफुहरुको खास प्रतिनिधि नहुने भएकाले सचिव कुनैपनि हालतमा छोड्न नहुने तयारीमा सिनामका नेता छन । युवा संघका अध्यक्ष थेवेको भुगोलपनि ताप्लेजुङ भएकाले उनले चाम्लिङको पक्षमा वकालत गर्ने देखिएको छ । सचिवकै कारण डम्वरधवज समुहले भीमादेवी ओझा र मिना केदेमको नाम उप सचिवमा टुंग्याउन सकेको छैन । अहिलेकै तयारी अनुसार उम्मेद्धारी दिए अध्यक्षमा डम्वरध्वज र वलवहादुर, उपाध्यक्षमा छत्रपति र दिपेन पोमु, सचिवमा मणीशंकर पोमू र  घनेन्द्र मादेन वा सन्तोष चाम्लिङविच प्रतिष्पर्धा हुने निश्चित छ । अधिबेशन वैसाख २४ गतेदेखि सदरमकुाम फुङलिङमा हुँदैछ । अधिवेशनका लागि ३ सय ६१ जना प्रतिनिधि चयन हुने एमाले पार्टी उपसचिव मणिशंकर पोमूले जानकारी दिए ।
 

प्रतिकृया दिनुहोस
RadioTaplajung

ताप्लेजुङ पर्यटन महोत्सव २०८१ को प्रधानमन्त्री दाहाललाई निम्तो

रेडियो ताप्लेजुङ । बैसाख २१ गते । प्रधानमन्त्री पुष्पकमल दाहाल ‘प्रचण्ड’ले ताप्लेजुङ पर्यटन महोत्सव २०८१ को विहिबार निम्तो ग्रहण गर्नुभएको छ ।

RadioTaplajung

पुनरावलोकन सहितको कार्य सम्पादन मूल्याङ्कन नतिजामा पनि मैवाखोला कोशी प्रदेश भरिमै प्रथम 

  ताप्लेजुङ , चैत्र ६ गते । कार्य सम्पादन मूल्याङ्कनको पुनरावलोकन सहितको नतिजाका आधारमा पनि ताप्लेजुङको मैवाखोला गाउँपालिका कोशी प्रदेशमा प्रथम

RadioTaplajung

पाथीभरा याङवरक खुल्ला ब्याडमिन्टन प्रतियोगिता सम्पन्न

  किरण गदाईली थेचम्बु,फाल्गुण ३० गते । पाथीभरा याङवरक गाउँपालिकाले ७ औं स्थापनना दिवसको अबसरमा आयोजना गरेको ब्याडमिन्टन प्रतियोगिता बुधवार