रेडियो ताप्लेजुङ
कार्तिक १९ गते ।

नेकपा एमाले ताप्लेजुङले यस वर्ष पनि विभिन्न चाडपर्वको अवसरमा शुभकामना आदानप्रदान तथा चियापान कार्यक्रम आयोजना गरेको छ।

पार्टी कार्यालय मदन स्मृति प्रतिष्ठान भवन फुङ्लिङमा आयोजित कार्यक्रममा एमाले केन्द्रीय पोलिटब्युरो सदस्य तिलकुमार मेन्याङ्बोको प्रमुख आतिथ्यता रहेको थियो।

कार्यक्रममा प्रतिनिधिसभा सदस्यद्वय क्षितिज थेबे र गीताकुमारी सेन्दाङसहित विभिन्न राजनीतिक दलका पदाधिकारी तथा प्रतिनिधिहरूको उपस्थिति रहेको थियो। कार्यक्रममा शुभकामना आदानप्रदानसँगै समसामयिक राष्ट्रिय राजनीतिका विषयमा समेत चर्चा भएको थियो।

 प्रमुख अतिथि मेन्याङ्बोले वर्तमान परिस्थितिमा लोकतन्त्रको रक्षाका लागि सबै राजनीतिक दल एकजुट हुनुपर्नेमा जोड दिनुभयो।

कार्यक्रममा राष्ट्रिय स्वतन्त्र पार्टीका जिल्ला सचिव लीलाराज पौडेल, नेपाली कांग्रेसका जिल्ला सचिव युकहाङवीर हाँगाम, नेपाली कम्युनिस्ट पार्टीका जिल्ला सहइन्चार्ज तथा प्रदेश नेता विष्णुकुमार हाङबाङ र श्रम संस्कृति पार्टीका जिल्ला अध्यक्ष निमा शेर्पालगायतको उपस्थिति रहेको थियो। त्यस्तै, एमालेका विभिन्न संगठन तथा भ्रातृ संगठनमा आबद्ध प्रतिनिधि तथा पदाधिकारीहरूको पनि सहभागिता रहेको थियो।

एमाले ताप्लेजुङले यस वर्ष चाडपर्वको अवसरमा शुभकामना आदानप्रदान तथा चियापान कार्यक्रमलाई पालिका तहमा समेत  गरेको छ। यसअघि कार्तिक १६ गते मिक्वाखोला गाउँ कमिटीले कार्यक्रम आयोजना गरेको थियो।

सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।

                                                            ©  रेडियो ताप्लेजुङ

श्रम संस्कृति पार्टीले स्थापना दिवसमा ताप्लेजुङमा बृहत् पार्टी प्रवेश कार्यक्रम गर्दै

किरण गदाइली ताप्लेजुङ, कार्तिक १२ गते । श्रम संस्कृति पार्टी ताप्लेजुङले स्थापना दिवसको अवसरमा बृहत् पार्टी प्रवेश कार्यक्रम गर्ने भएको

पार्टीको जागरण अभियानलाई नतिजामुखी बनाउँछौँ : नेकपा ताप्लेजुङ

रेडियो ताप्लेजुङ कार्तिक ११ गते । नेपाली कम्युनिस्ट पार्टी (नेकपा) ताप्लेजुङले पार्टीको जागरण अभियानलाई जिल्लामा प्रभावकारी र नतिजामुखी बनाउने

रास्वपा नगरपालिका क्यान्डिडेट क्लब : ताप्लेजुङबाट योग्य उम्मेदवार पठाउने गरी तयार

रेडियो ताप्लेजुङ कार्तिक ११ गते । राष्ट्रिय स्वतन्त्र पार्टी (रास्वपा) ताप्लेजुङले स्थानीय तह निर्वाचनका लागि क्यान्डिडेट क्लबमा सीमित र योग्य