ताजा खबर

ताप्लेजुङमा उमेर समूहको फुटबलमा आकर्षण बढ्दै,थुकिमामा यू–१७ प्रतियोगिता कात्तिक १ गतेदेखि

SITENAME

किरण गदाइली



असोज १३ गते । ताप्लेजुङमा उमेर समूहका फुटबल गतिविधि बढ्न थालेका छन्।

यसै क्रममा विजयादशमीको अवसरमा नवप्रतिभा युवा क्लब, मेरिङदेन–५ थुकिमाले १७ वर्षमुनिको यू–१७ नकआउट फुटबल प्रतियोगिता आयोजना गर्ने भएको छ।

आगामी कात्तिक १ गतेदेखि प्रतियोगिता सञ्चालन गरिने खेल संयोजक शरद मादेनले जानकारी दिनुभएको छ।

प्रतियोगितामा १७ वर्षसम्मका खेलाडीले मात्र सहभागिता जनाउन पाउने आयोजकले जनाएको छ। १७ वर्षभन्दा माथिका खेलाडी समावेश गरेको पाइएमा सम्बन्धित टोलीलाई वाकओभर दिइने संयोजक मादेनले जानकारी दिनुभयो।

खेलाडीको उमेर पुष्टि गर्न जन्मदर्ता प्रमाणपत्र अनिवार्य गरिएको उहाँले बताउनुभयो।

उमेर समूहको प्रतियोगिताले प्रतिभा पहिचानमा सहयोग पुग्नुका साथै खेलाडीले आफू समान उमेरका खेलाडीसँग प्रतिस्पर्धा गर्न पाउँदा हौसला बढ्ने भएकाले यू–१७ प्रतियोगिता आयोजना गरिएको आयोजकले जनाएको छ।

प्रतियोगिताको विजेता टोलीले ट्रफी, मेडल र प्रमाणपत्रसहित नगद १५ हजार रुपैयाँ तथा उपविजेता टोलीले ट्रफी, मेडल र प्रमाणपत्रसहित नगद ५ हजार रुपैयाँ प्राप्त गर्नेछन्। विधागततर्फ पनि पुरस्कारको व्यवस्था गरिएको आयोजकले जनाएको छ।

यसैबीच, दशैँकै अवसरमा ताप्लेजुङको फूलबारीमा पनि उमेर समूहको पहिलो खुड्किलो मानिने १४ वर्षमुनिको यू–१४ फुटबल प्रतियोगिता आयोजना गरिएको छ।


सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।

 

                                                            ©  रेडियो ताप्लेजुङ

प्रतिकृया दिनुहोस
SITENAME

केवलकार खारेजीको माग बेवास्ता गरे कडा सङ्घर्ष गर्ने चेतावनी

किरण गदाइली मंसिर २ गते । प्रसिद्ध शक्तिपीठ पाथीभरा (मुक्कुमलुङ)मा केवलकार निर्माण गर्न नहुने मत राख्दै आएका ‘मुक्कुमलुङ ताङसेःप चुम्बो’ र

SITENAME

फङ्फङ्देन समग्र नेपालकै सम्पत्ति हो : पूर्वमन्त्री हाङगाम

  रेडियो ताप्लेजुङ मंसिर २ गते । कोशी प्रदेशसभा सदस्य तथा पूर्वमन्त्री खगेनसिं हाङगामले चर्चित पर्यटकीय स्थल फुङ्फुङे (फङ्फङ्देन) झरना समग्र

SITENAME

ताप्लेजुङका पर्यटकीय क्षेत्रका लागि गुरुयोजना बनाएर अघि बढ्ने मन्त्री लङ्वाको प्रतिबद्धता

रेडियो ताप्लेजुङ मंसिर २ गते । कोशी प्रदेशका पर्यटन, वन तथा वातावरणमन्त्री खिनु लङ्वाले ताप्लेजुङका पर्यटकीय क्षेत्रको प्रवर्द्धनका लागि