खेवाङ खेलकुद महोत्सव कार्तिक १६ गतेदेखि २१ गतेसम्म
किरण गदाइली
ताप्लेजुङ, भदौ २९ गते ।सिरिजङ्घा गाउँपालिका–७ खेवाङमा आगामी कार्तिक १६ गतेदेखि २१ गतेसम्म ‘खेवाङ खेलकुद महोत्सव २०८३’ सञ्चालन हुने भएको छ।
खेवाङ स्पोर्टिङ क्लबको आयोजनामा हुने महोत्सवमा तीन विधाका खेल प्रतियोगिता समावेश गरिने भएको छ। खेल संयोजक तथा क्लबका सचिव दीपेश परियारका अनुसार खुला पुरुष फुटबल, वडास्तरीय महिला भलिबल र हाफ म्याराथन प्रतियोगिता सञ्चालन हुनेछ।
हाफ म्याराथनको दूरी खेवाङ स्पोर्टिङ क्लबको खेलमैदानबाट एकचना भञ्ज्याङ, लुङ्गथुङ, तावाटार, मानेडाँडा हुँदै जुगेडाँडा पुगेर पुनः खेवाङ स्पोर्टिङ क्लबको खेलमैदानमै आएर टुङ्गिने गरी निर्धारण गरिएको छ।
आयोजक क्लबले दुई वर्षअघि प्रथम खेवाङ गोल्डकप सफलतापूर्वक सम्पन्न गरेको थियो। उक्त प्रतियोगितामा विजेताले नगद १ लाख ५१ हजार १११ रुपैयाँ र उपविजेताले १ लाख ११ हजार १११ रुपैयाँ प्राप्त गरेका थिए।
आयोजकले गत वर्ष नै खेलकुद महोत्सव आयोजना गर्ने तयारी गरेको थियो। तर जेन्जी आन्दोलनका कारण महोत्सव स्थगित हुन पुगेको थियो। यस वर्ष भने भव्य रूपमा महोत्सव आयोजना गर्ने तयारीमा आयोजक जुटेको बताइएको छ।
खेलकुद प्रतियोगितासँगै खेवाङको पर्यटन तथा सांस्कृतिक विशेषताको प्रवर्द्धन गर्ने लक्ष्यसमेत राखिएको आयोजकले जनाएको छ। खेवाङको पहिचानका रूपमा रहेको सरादेवी नाच प्रस्तुत गरिनेछ भने धान नाच, संगिनी नाचलगायत विभिन्न जातजातिका मौलिक सांस्कृतिक प्रदर्शनसमेत गरिने आयोजकले जनाएको छ।
खेवाङ गोल्डकपको पहिलो संस्करणको तुलनामा यस वर्ष पुरस्कार राशि वृद्धि गरिने संयोजक परियारले जानकारी दिनुभयो।
वर्षायामको अन्त्यसँगै ताप्लेजुङका गाउँगाउँमा फुटबल गतिविधि बढ्ने गर्छन्। विभिन्न अवसरमा आयोजना हुने यस्ता प्रतियोगिताले स्थानीय स्तरका खेलाडीलाई खेलकुदमा सक्रिय बनाउनुका साथै आफ्नो प्रतिभा प्रदर्शन गर्ने अवसर प्रदान गर्ने गरेका छन्।
भोटेकोशी बाढीपीडितका लागि फक्ताङ्लुङ गाउँपालिकाले २६ लाखभन्दा बढी कोषमा जम्मा गर्ने
रेडियो ताप्लेजुङ ताप्लेजुङ, भदौ २९ गते ।भोटेकोशी बाढीबाट प्रभावित नागरिकको उद्धार, राहत तथा पुनःस्थापनामा सहयोग पुर्याउने उद्देश्यले
..jpeg)
प्याबसन ताप्लेजुङका संस्थापक अध्यक्ष पालुङ्वाको निधनमा कञ्चनजङ्घा बोर्डिङमा तीन दिन, प्याबसन मातहतका विद्यालयमा एक दिन शोक बिदा
रेडियो ताप्लेजुङ ताप्लेजुङ, भदौ २९ गते । ताप्लेजुङ सदरमुकाम फुङ्लिङस्थित कञ्चनजङ्घा बोर्डिङ स्कुलका प्रधानाध्यापक तथा संस्थापक काजीमान
‘तमोर मेवा जलविद्युत् १२८ मेगावाट’ प्रभावित क्षेत्रका नागरिकद्वारा सरोकार समिति गठन
रेडियो ताप्लेजुङ भाद्र २८ गते । निर्माणाधीन ‘तमोर मेवा जलविद्युत् परियोजना १२८ मेगावाट’बाट प्रभावित फुङ्लिङ नगरपालिकाका चारवटा वडाका नागरिक
प्रतिकृया दिनुहोस