ओलीको सय दिन: चौथोपटक इन्धनको मूल्य बढ्यो

SITENAME


ओलीको सय दिन: चौथोपटक इन्धनको मूल्य बढ्यो
जेठ ३ गते । नेपाल आयल निगमले फेरि पेट्रोलियम पदार्थको मूल्य बढाएको छ । बुधबार राति १२ बजेदेखि लागू हुनेगरी डिजेल, पेट्रोल र मटीतेलमा प्रतिलिटरमा दुई रुपैयाँ बढाएको हो । केपी ओली नेतृत्वको सरकारले सय दिन पूरा गरेकै दिन इन्धनको मूल्य बढेको हो । यो अवधिमा ४ पटक मूल्यवृद्धि भइसकेको छ ।
अन्तर्राष्ट्रिय बजारमा इन्धनको मूल्य बढेको भन्दै डिजेल र पेट्रोलमा प्रतिलिटरमा दुई रुपैयाँ बढाइएको निगम प्रवक्ता वीरेन्द्र गोइतले जानकारी दिए । खाना पकाउने एलपी ग्यास र हवाई इन्धनको मूल्य भने यथावत राखिएको निगमको भनाइ छ । नयाँ मूल्यअनुसार पेट्रोल प्रतिलिटर १ सय १० र डिजेल÷मटीतेल ९२ रुपैयाँ पुगेको छ । निगमका अनुसार पेट्रोलमा ७२ पैसा नाफा र डिजेलमा भने २ रुपैयाँ २९ पैसा घाटा रहेको छ । लगातार इन्धनको मूल्य बढेर आएपछि निगमको नाफा शून्यमा झरेको छ ।
इन्डियन आयल कर्पोरेसन ९आइओसी०ले बुधबार पठाएको नयाँ मूल्यअनुसार इन्धनको मूल्य बढेर आएकाले निगमले मूल्य समायोजन गरेको हो । पछिल्लो समय अन्तर्राष्ट्रिय बजारमा पेट्रोलियम पदार्थको मूल्य लगातार उकालो लाग्दै आएको छ । अन्तर्राष्ट्रिय बजारमा मूल्य बढेको भन्दै निगमले पछिल्लो चार महिनायता लगातार इन्धनको मूल्य बढाउँदै आएको छ ।
आईओसीले प्रत्येक महिनाको १ र १६ तारिखमा नयाँ मूल्य पठाउने गर्छ । सोहीअनुसार निगमले स्थानीय बजारमा मुल्य समायोजन गर्छ ।
स्रोतः कारोबार दैनिक

प्रतिकृया दिनुहोस
SITENAME

गरीबी निवारण कोषः गरीबका नाममा टाठाबाठाको रजाइ

माघ २९ गते । गरीबी निवारण कोषमा गरीबको नाममा आएको रकममा टाठाबाठाले रजाइ गर्ने गरेको प्रतिवेदन सार्वजनिक भएको छ । गरीबको नाममा खर्च हुने रकम

SITENAME

भृकुटीमण्डपको जग्गा भाडामा अनियमितता: पूर्वमन्त्रीद्वयलाई भ्रष्टाचार मुद्दा

माघ २२ गते । समाज कल्याण परिषदको स्वामित्वमा रहेको भृकुटीमण्डपको जग्गा भाडामा दिँदा अनियमितता गरेको आरोपमा अख्तियार दुरुपयोग अनुसन्धान आयोगले १४

SITENAME

अलपत्र ठेक्का १,८४८, जोखिममा १ खर्ब १८ अर्ब

माघ १४ गते । ठेक्का अलपत्र भन्नेबित्तिकै अचेल ‘पप्पु कन्स्ट्रक्सन’ को नाम लिइन्छ । तर, त्यस्ता बेइमान ठेगदार दर्जनौं छन्, जसले १ हजार ८ सय ४८ योजना