खेवाङमा सम्पन्न फुटबलको उपाधि खेवाङले चुम्यो,तेल्लोक उपविजेता

SITENAME

 

खेवाङमा सम्पन्न फुटबलको उपाधि खेवाङले चुम्यो,तेल्लोक उपविजेता
रेडियो ताप्लेजुङ,कात्र्तिक १ गते । जिल्लाको सिरिजंगा गाउँपालिकास्थित खेवाङमा बुधबार सम्पन्न पुरुष फुटबलको उपाधि आयोजक खेवाङले चुमेको छ । फाइनलमा तेल्लोकलाई ३–० गोलले पराजित गर्दै उपाधि  चुमेको हो । विजेता टिमलाई नगद १ लाखसहित ट्रफि,मेडल र प्रमाण–पत्र सांसद योगेश भट्टराईले प्रदान गरे । उपविजेता तेल्लोकलाई गाउँपालिका अध्यक्ष टीकाराम गुरुङले नगद ५० हजारसहित ट्रफि,मेडल र प्रमाण–पत्र प्रदान गरे । प्रतियोगीतामा २० टिमको सहभागीता थियो । असोज २७ गतेदेखि खेवाङस्थित गणेश माविको खेलमैदानमा खेल संञ्चालन गरिएको थियो । देश विदेशमा रहेका खेवाङवासी तथा शुभचिन्तकको आर्थिक तथा प्राविधिक सहयोगमा प्रतियोगीता संञ्चालन संम्भव बनेको हो । आयोजक खेवाङ स्र्पोटिङ क्लब अध्यक्ष विनम मावोले प्रतियोगीता सफलतापूर्वक सम्पन्न भएको टेलिफोनमा जानकारी दिए । अध्यक्ष मावोले भने,“सबैको सहयोगमा सफलतापूर्वक प्रतियोगीता सम्पन्न गर्न सफल भयौ । खेवाङबासी र सहयोगदाताप्रति आभारी छौ ।” वडादशैको अवसरमा वर्षेनी संञ्चालन हुँदै आएको प्रतियोगीताले आगामी दिनमा समेत निरन्तरता पाउने अध्यक्ष माबोले बताए । फाइनलका दिन संगीनी नृत्य,विभिन्न क्लबका नृत्य तथा च्याब्रुङ नाच समेत नाचिएको थियो । आसपासका साविकका गाविसहरु सुरुमखिम,तेल्लोक,मेहेले,पेदाङ,याम्फुदिन लगायतबाट खेल हेर्न आएका थिए । प्रतियोगीताको मिडिया पार्टनर रेडियो ताप्लेजुङले खेवाङ फुटबल प्रतियोगीताको व्यापक प्रचार प्रसारमा सहयोग गरेको थियो ।

 

प्रतिकृया दिनुहोस
SITENAME

क्रिकेटमा पराजित भएको आक्रोशमा विजेता टोलीमाथि आक्रमण, आधा दर्जन खेलाडी घाइते

क्रिकेटमा पराजित भएको आक्रोशमा विजेता टोलीमाथि आक्रमण, आधा दर्जन खेलाडी घाइते  कात्तिक २६ गते ।  धनुषा – दिपावली तथा छट पर्वको अवसरमा बर्दिवासमा

SITENAME

काभानीको ह्याट्रिकपछि मोनाकोमाथि पीएसजीको ४ गोल

एडिन्सन काभानीको ह्याट्रिक पछि फ्रान्सेली लिग वान अन्तर्गत आइतबार पेरिस सेन्ट जर्मेन (पीएसजी) ले एएस मोनाकोलाई ४-० ले हराएको छ।काभानीले खेलको चौथो

SITENAME

लिग लिडर बोरुसिया डर्टमन्डको रोमाञ्चक जित

लिग लिडर बोरुसिया डर्टमन्डको रोमाञ्चक जित कार्तिक २५ गते ।  बुन्डेस लिगा फुटबलमा लिग लिडर बोरुसिया डर्टमन्डले बायर्न म्युनिखलाई ३–२ गोलअन्तरले