ताजा खबर

मासिँदै हाटबजार

SITENAME

मासिँदै हाटबजार
आनन्द गौतम,असोज २० गते । ताप्लेजुङ — सदरमुकाम फुङलिङमा लाग्दै आएको एक सय वर्ष पुरानो हाट मास्न स्थानीय तह नै लागेको छ । सदरमुकामको प्रवेशद्वार तोक्मेदेखि बजार क्षेत्रको सडकलाई फुङलिङ नगरपालिकाले १० मिटर कायम गर्ने निर्णय गरेको छ ।


तत्कालीन भौतिक योजना तथा निर्माण मन्त्री बिमलेन्द्र निधिको निर्णय सदर गर्दै गरेको यो निर्णयले शनिबार र मंगलबार हाट लाग्ने क्षेत्र सडक कायम हुनेछ ।


निधिले गरेको निर्णयमा तोक्मेडाँडामा रहेको नेपाली सेनाको ब्यारेकको अघिल्लो भागदेखि जौवारी हुँदै सेते चौतारोसम्मलाई बैकल्पिक मेची राजमार्ग उल्लेख छ । सरकारले झापाको केचना कवलदेखि ताप्लेजुङ ओलाङचुङगोलाको घारिल्लासम्मको सडकलाई मेची राजमार्गको निर्णय गरेको छ ।

थ्बmबजब

सडक ऐन २०३३ अनुसार पहाडी राजमार्गको चौडाइ ३० मिटरको हुन्छ । नगरपालिकाले सदरमुकामको क्षेत्रलाई १० मिटर निर्णय गरेपछि ३० मिटरको सडक अब तोक्मेदेखिको हुनुपर्छ, अरू विकल्प छैन । हाटलाग्ने क्षेत्रको शिरानमा गोलाइ भएकाले सडकको ३०श क्षेत्र सडकमा पर्छ । सडक गाडी गुड्ने हो, हाट लाग्ने ठाउँ होइन ।


बजार लाग्ने क्षेत्रको ११ रोपनी जग्गा यसअघि नेपाली सेनाले आफ्नो बनाएको छ । सेनाले आफ्नो क्षेत्र काँडेतारले घेराबारा गरेर राखेको छ । ब्यारेक, त्यसको अघिल्तिर सडक र त्यसदेखि पूर्वको भाग खाली जग्गा छ । यो जग्गा अहिले पनि उपयोगमा छैन । ताप्लेजुङको खोज अनुसन्धान गर्ने लेखक राजेश्वर थापाका अनुसार यो हाट विक्रम संवत् १९५२ सालदेखि सुरु भएको अनुमान छ । त्यतिबेला ताप्लेजुङमा अमिन अड्डा आएको थियो । अड्डामा आएका कर्मचारीलाई चामल, तरकारी, दूध बिक्री गर्नका लागि यो हाट सुरु भएको हुन सक्ने उनले बताए ।


थापाले भने, ‘यो हर्कजंग मादेनले सुरु गरेका हुन् । त्यसको फोटो मैले भेट्टाएको छु । तर ठ्याक्कै मिति भेट्टाएको छैन । कर्मचारी आउन सुरु भएको र किन्ने र बिक्री गर्नेको समन्वय गराउन त्यही बेलादेखि सुरु भएको हुनुपर्छ ।’ अमिनि अड्डा पहिला चैनपुरमा थियो । त्यहाँबाट ताप्लेजुङको साँघुमा सारियो । साँघुका सुब्बाले किपटमा बस्न नदिने भएपछि सान्थाक्रा सर्‍यो । त्यहाँ पनि बस्ने वातावरण नभएपछि चाँगे दोभानको महादेवटारमा सारियो ।


महादेवटारमा पनि बस्ने वातावरण नभएपछि तत्कालीन सुब्बा हर्कजंगको संरक्षणमा फुङलिङ आएको हो,’ थापाले थपे, ‘अमिन आएपछि र मादेनको समेत राम्रो संरक्षण पाउने भएपछि व्यापारका लागि नेवारहरू, मारवाडी आए ।


गाउँसम्म जान कठिन हुने उनीहरूका लागि किनेर खाने प्रवन्ध मिलाउन हाट लागेको हो ।’ २००७ सालमा भने तनावको अवस्था सृजना भएपछि केही वर्ष रोकिएको बुढापाका बताउँछन् । ०१५ सालदेखि पुन सुरु भएको हो । पहिला शनिबार मात्रै लाग्ने हाट ०४८ सालपछि मंगलबार लगाउन थालिएको हो ।

तर, मंगलबारको प्रभाव अहिले पनि कमै मात्रै छ । ‘यहाँ व्यापारका लागि तेह्रथुम, पाँचथर, संखुवासभादेखिका मानिस आउथे,’ फुङलिङ नगरपालिका ७ दोखुका सुरेस पालुङवाले भने, ‘तेह्रथुम र पाँचथर जोड्ने लिम्कुनी पुल, फूलबारी र दोखु जोड्ने खडुँडेपुल, दोभानको हान्द्रुङको झोलुङगे पुलको महत्त्व यही हाटले बढाएको हो ।’


स्थानीयका अनुसार अहिले सेनाले अतिक्रमण गरेको क्षेत्रमा घुमाउने चौतारो बनाइएको थियो । हाट त्यो क्षेत्रमा लाग्थ्यो । पहिला पातलो बस्ती हुँदा सेनाले फायरिङको अभ्यास यहीं गथ्र्यो । पछि फायरिङ गरेको क्षेत्रलाई आफ्नो बनायो र धनिपुर्जा लियो । अहिले फायरिङको तालिम सुकेटारमा गर्ने गरेको छ । फुङलिङ नगरपालिकाका प्रवक्ता मोहन निरौला नगरपालिका हाट मास्न उद्यत नभई व्यवस्थित बनाउन लागेको दाबी गर्छन् ।


यसका लागि यसै वर्ष खर्च गर्ने गरी १० लाख छुट्याएको उनले बताए । तर हाट लाग्ने बाहेकको क्षेत्र तोक्मेडाँडा सामुदायिक वन उपभोक्ता महासंघको नियन्त्रणमा रहेकाले संरचना बनाउने ठाउँसम्म छैन ।


हाट लाग्ने क्षेत्रका वडाध्यक्ष युवराज बराल र ७ का राजन गुरुङ हाटको पूर्वतर्फको भाग विस्तारमा रहेको बताउँछन् । तर, नेपाली सेनाको नाममा रहेको उपयोगविहीन जग्गा हाटका लागि उपयुक्त हुनेमा उनीहरू एक मत छन् । यो जग्गा सरकारले फिर्ता गरे ऐतिहासिक हाटलाई व्यवस्थित गर्न सकिने उनीहरूको तर्क छ ।


नगरले हाल सडकको क्षेत्रमा सार्वजनिक शौचालय बनाउन लागेको छ । हङकङ समाजले बनाइदिने शौचालयका लागि नगरपालिकाले छुट्याएको क्षेत्र ३० मिटरको मापदण्डमा पर्छ । तर आफैंले निर्णय गर्ने नगरपालिकाले राजमार्ग र हाट व्यवस्थापनको दोहोरो चरित्र देखाएको स्थानीयको गुनासो छ ।

प्रतिकृया दिनुहोस

ताप्लेजुङ प्याब्सनको आयोजनामा छात्र/छात्रा एथलेटिक्स

ताप्लेजुङ प्याब्सनको आयोजनामा छात्र/छात्रा एथलेटिक्स रेडियो ताप्लेजुङ,मंसिर २७ गते । निजी तथा आवासिय विद्यालय अर्गनाइजेशन प्याब्सन ताप्लेजुङको

SITENAME

ताप्लेजुङका ग्रामिण क्षेत्रमा चल्ने सवारी साधनको भाडा एकमहिना भित्रै समायोजन हुने

ताप्लेजुङका ग्रामिण क्षेत्रमा चल्ने सवारी साधनको भाडादर एक महिना भित्रै समायोजन हुनेभएको छ । जिल्ला प्रशासन कार्यालयको अगुवाईमा आज बसेको

SITENAME

फुङलिङ नगरपालिका ७ मा वडास्तरिय युवा क्लव गठन

रेडियो ताप्लेजुङ मंसिर २३ गते । ताप्लेजुङको फुङलिङ नगरपालिका ७ मा वडास्तरिय युवा क्लव गठन गरिएको छ । आइतबारको युवाहरुको भेलाले यमुना गौतमको