ताजा खबर

देशभरिको उडान अबरुद्ध गरेर बार्षिक परिक्षा

SITENAME

बीबीसी । दक्षिण कोरियामा बिहिबार भएको वार्षिक ‘सीएसएटी’ परीक्षामा यसपटक पनि देशभरका करिब ६ लाख विद्यार्थी सहभागी भएका छन् । देश भित्रका प्रतिष्ठित विश्वविद्यालयमा स्थान पाउन यस प्रवेशिका परीक्षालाई दक्षिण कोरियाले धेरै गम्भीरतापूर्वक लिने गरेको छ । यसलाई कोरियामा विद्यार्थी जीवनकै सबैभन्दा महत्वपूर्ण र कठिन क्षण मानिन्छ किनकी यसले उनीहरुको जागिर र सामाजिक स्तरदेखि वैवाहिक सम्बन्धलाई समेत निर्धारित गर्नेछ । त्यसैकारण विद्यार्थीहरु सानै उमेरबाट दिनरात यसको तयारीमा जुट्ने गरेको पाइन्छ ।

लगातार ८ घण्टाको यस लामो परीक्षामा विद्यार्थीहरुलाई सहज वातावरण प्रदान गर्न देशभर विभिन्न तरिका अपनाइने गरिएको छ । बिहानको ८ः४० देखि सुरु हुने भएकाले यस दिन ट्राफिक जाम कम गर्न भनेरै सरकारी कार्यालय लगायत प्रमुख व्यवसायहरु र शेयर बजार समेत ढिला सुरु गर्ने गरिएको छ । त्यसैगरी जाममा फसेका विद्यार्थीहरुलाई समयमा परीक्षास्थलसम्म पुर्याउन ठाउँठाउँमा पुलिसका मोटरबाइकहरु पनि राखिएका हुन्छन् । यति मात्र नभएर देशका सम्पूर्ण उडानहरु समेत आधा घण्टा सम्मका लागि बन्द गराइने गरिएको छ । 
अङ्ग्रेजी सुन्ने परीक्षामा कुनै बाहिरी आवाजले अवरोध नपुर्याओस् भनेर यस्तो गरिएको हो भने दिनभर सबै विमानहरुलाई ३ हजार मिटर माथिको उचाइमा मात्र उडान भर्न पनि निर्देशन दिइएको हुन्छ । बिहीबार पनि यसै कारणले १३४ उडान पुनः निर्धारित गराइएको यातायात मन्त्रालयले जनाएको हो । कुनैपनि बाहिरी श्रोतले विद्यार्थीको ध्यान भङ्ग नगराओस् भनेर नै कोरियाभर विशेष सावधानी अपनाइने गरिएको छ । 

यस दिन अधिकांश अभिभावकहरु भने बौद्धिक गुम्बा र चर्चमा गएर दिनभर आफ्ना छोराछोरीको सफलताका लागि प्रार्थना गर्ने गरेको पाइन्छ । त्यसैगरी यो दिन असफलता, फेल जस्ता शब्दहरु उच्चारणमा नल्याइने चलन पनि रहेको छ । यति मात्र नभएर परीक्षा निरीक्षण गर्ने शिक्षकहरुले आफ्ना जुत्ता समेत आवाज नआउने खालका प्रयोग गर्दछन् । वास्तवमा दक्षिण कोरियाका एक तिहाइ मानिस विश्वविद्यालयको डिग्रीका बावजुद बेरोजगार रहने गरेका छन् । यसैकारण दशकौँदेखि विद्यार्थीहरुबीच राम्रो विश्वविद्यालयबाट पढाइ पूरा गर्न अत्यन्तै कडा प्रतिस्पर्धा हुने गरेको पाइन्छ ।

यसरी विश्वकै सबैभन्दा बढी शिक्षित जनसङ्ख्या भएको देशमा डिग्री गरेको कलेजकै आधारमा व्यक्तिको सामाजिक मूल्याङ्कन हुने हुनाले पनि यो एक दिनलाई पूरै देशले प्राथमिकता दिँदै आएको छ । उता क्षेत्रीय सम्मेलनका लागि हाल सिंगापूर रहेका राष्ट्रपति मुन जे इनले समेत आफ्नो फेसबुक पेज मार्फत सम्पूर्ण विद्यार्थीहरुलाई परीक्षामा राम्रो गर्न शुभकामना दिएका छन् । यसको नतिजा भने आगामी डिसेम्बरमा प्रकाशित हुने बताइएको छ । 

 

प्रतिकृया दिनुहोस
SITENAME

तालिबानको धम्कीपछि लिटिल मेसीुको परिवारले छोडे देश

तालिबानको धम्कीपछि लिटिल मेसीुको परिवारले छोडे देश  मंसिर २१ गते ।  तालिबानको चेतावनीका कारण अफगानिस्तानी लिटिल मेसीको परिवार फेरि देश छोड्नु

SITENAME

आइनस्टाइनले ईश्वर र धर्मका बारेमा लेखेको पत्र ३३ करोडमा बिक्यो

आइनस्टाइनले ईश्वर र धर्मका बारेमा लेखेको पत्र ३३ करोडमा बिक्यो  मंसिर २० गते । विश्वप्रसिद्ध वैज्ञानिक अल्बर्ट आइन्स्टाइनले ईश्वर तथा धर्मका

SITENAME

इन्डोनेसियाको पपुवामा निर्माण क्षेत्रमा संलग्न २४ मजदुरको गोली हानी हत्या

इन्डोनेसियाको पपुवामा निर्माण क्षेत्रमा संलग्न २४ मजदुरको गोली हानी हत्या मंसिर १९ गते । इन्डोनेसियाको पूर्व प्रान्त पपुवामा बन्दुकधारी गोली हानेर