अमेरिकामा ओबामा र हिलारी क्लिन्टनलाई हुलाकमार्फत् विस्फोटक पदार्थ !

८ कार्तिक । अमेरिकाका पूर्व विशिष्ट पदाधिकारी तथा सञ्चारमाध्यमहरुलाई अज्ञात समूहले हुलाकमार्फत् विस्फोटक पदार्थ पठाएको खुलासा भएपछि अमेरिकी संघीय अनुसन्धान ब्यूरो (एफबीआई)ले अनुसन्धान सुरु गरेको छ । पूर्वराष्ट्रपति बाराक ओबामा र पूर्वविदेशमन्त्री हिलारी क्लिन्टनलाई अज्ञात समूहले विस्फोटक पदार्थ पठाएको सार्वजनिक भएपछि एफबीआईले उच्च प्राथमिकताका साथ अनुसन्धान सुरु गरेको हो । त्यसैगरी अमेरिकी टेलिभिजन च्यानल सीएनएनको कार्यालय समेत रहेको न्यूयोर्कको टाइम वार्नर भवनमा पनि त्यस्तै शंकास्पद वस्तु भेटिएको थियो । अमेरिकी वरिष्ठ अधिकारीहरुलाई पठाइने चिठी तथा पार्सलहरु जाँच्ने प्राविधिकले विस्फोटक पदार्थ रहेको पत्ता लगाएपछि एफबीआईले अनुसन्धान थालेको हो । त्यस्तो विस्फोटक पदार्थ कहाँबाट पठाइको हो भन्ने स्पष्ट भने भइसकेको छैन । अमेरिकी सुरक्षा निकाय सिक्रेट सर्भिसले अक्टोबर २३ मा पूर्वविदेशमन्त्री क्लिन्टनको नाममा विस्फोटक पदार्थसहितको पत्र आएको जनाएको छ । त्यसैगरी अक्टोबर २४ मा त्यस्तै वस्तु पूर्वराष्ट्रपति बाराक ओबामाको निवासको ठेगानामा पठाइएको पाइएको थियो । त्यसलाई सिक्रेट सर्भिसका अधिकारीहरूले वासिङ्टन डिसीमा बरामद गरेका थिए । पार्सल गरिएका दुवै वस्तु लक्षित ठेगानामा पुग्नु अघि नै नियन्त्रणमा लिइएको थियो । यसैबीच अमेरिकी राष्ट्रपति डोनल्ड ट्रम्पले अमेरिकी जनताको सुरक्षा आफ्नो उच्च प्राथमिकता रहेको भन्दै आतंक सिर्जना गर्नेहरुलाई अमेरिकामा स्थान नरहेको चेतावनी दिनुभएको छ । यस्तै न्यूयोर्कका मेयर बिल डे ब्लासियोले अमेरिकी उच्च अधिकारी तथा सञ्चारमाध्यममा विस्फोटक पदार्थ पठाउनेहरुलाई आतंकवादसम्बन्धी कानुनअनुसार कारबाही गरिने बताएका छन् ।(

प्रतिकृया दिनुहोस
SITENAME

चीनले कृत्रिम सूर्य बनाउँदै ! १० करोड डिग्रीको तापक्रममा काम गर्न सक्ने

२०७५ कार्तिक २८ बुधबार/एजेन्सी । विज्ञान तथा प्रविधिको क्षेत्रमा क्रान्ति हासिल गर्ने होडमा चीनले केही समय अगाडि मात्र आफ्नै ‘कृत्रिम चन्द्रमा’

SITENAME

आईभीएफबाट जन्मिएका थिए ओबामाकी दुई छोरी

आईभीएफबाट जन्मिएका थिए ओबामाकी दुई छोरी कार्तिक २५ गते । अमेरिकाका पूर्वराष्ट्रपति बाराक ओबामाकी पत्नी मिशेल ओबामाले भनेकी छन् कि २० वर्ष पहिले उनी

SITENAME

साउदीले यमनमा अमेरिकी बम प्रयोग गर्नै जानेन :-ट्रम्प

एजेन्सी । अमेरिकी राष्ट्रपति डोनाल्ड ट्रम्पले यमनमा हमला गर्दा साउदीले अमेरिकी बम प्रयोग गर्नै नजानेको उल्लेख गरेका छन् । आइतबार एक अन्तर्वाताका