ताजा खबर

नेविसंघमा ३२ वर्षे उमेर हद पारित

असोज २३। नेपाली कांग्रेसको भ्रातृसंस्था नेपाल विद्यार्थी संघमा ३२ वर्षे उमेर हद लाग्ने भएको छ । आइतबार राति सम्पन्न कांग्रेस केन्द्रीय कार्यसमिति बैठकले ३२ वर्षे उमेरसम्बन्धी सो व्यवस्था कायम रहने संघको विधानको व्यवस्था पारित गरेको प्रवक्ता विश्वप्रकाश शर्माले बताए । नेविसंघमा ३२ वर्षे उमेर हदको व्यवस्था ११औं महाधिवेशनदेखि कायम छ । नेविसंघमा प्रमुख विवादकारूपमा देखिएको सो व्यवस्था टुंगिएसँगै संघको १२औं महाधिवेशन गर्ने बाटो खुलेको छ । नेविसंघको वर्तमान कार्यसमितिको कार्यकाल गत भदौमा समाप्त भइ तीन महिना समयावधि थपिएको छ । कांग्रेसमा संस्थापन पक्षको कायम राख्नुपर्ने र संस्थापनइतर पक्षको उमेरसम्बन्धी सो व्यवस्था हटाउनुपर्छ भन्ने अडान थियो । बैठकले संघको विधानको उक्त व्यवस्था पारित गरेपछि पार्टीका वरिष्ठ नेता रामचन्द्र पौडेल, पूर्वमहामन्त्रीद्वय प्रकाशमान सिंह र कृष्णप्रसाद सिटौलालगायत नेताले निर्णयप्रति असहमति जनाएका थिए । संघको संशोधित विधानबारेमा कांग्रेसको आगामी असोज २५ गते बस्ने बैठकमा थप छलफल गरी पारित हुने प्रवक्ता शर्माले जानकारी दिए । दिउँसो ३ बजेदेखि राति झन्डै ११ बजेसम्म बसेको बैठकले अन्य समसामयिक जनजीविकाका विषयमासमेत निर्णय गरेको छ । बैठकले नेपाल वायुसेवा निगमको वाइडबडी विमान खरिद प्रक्रियामा देखिएको अनियमितताका सम्बन्धमा भइरहेको छानबिनलाई शीघ्र टुंगोमा पुर्‍याइ दोषीलाई कानुनी कारबाही गर्न माग गर्ने निर्णय गरेको छ । कांग्रेसले बूढीगन्डकी जलविद्युत् आयोजनाका सम्बन्धमा कांग्रेस नेतृत्वको तत्कालीन सरकारको पालामा गठित समितिले गरेको अध्ययन प्रतिवेदनका आधारमा स्वदेशी पुँजीमै बनाउनुपर्ने माग गरेको छ । बैठकले बाराको निजगढमा प्रस्तावित दोस्रो अन्तर्राष्ट्रिय विमानस्थल निर्माणलाई प्राथमिकतामा राख्नुपर्ने माग गर्दै आवश्यकभन्दा अन्य रुख कटानको प्रस्तावमा भने विमति जनाएको उनले जानकारी दिए । मुलुकभर महिला हिंसा र बलात्कारका घटना बढ्दै गएकोप्रति चिन्ता व्यक्त गर्दै शान्ति, सुरक्षा सुदृढ बनाउन बैठकले सरकारसँग माग गरेको छ । महत्वपूर्ण चाडपर्वको मुखमा बजारमा चर्को मूल्यवृद्धि भएको भन्दै कांग्रेसले सरकारको ध्यानाकर्षण गराएको छ । यस सम्बन्धमा कांग्रेसले ७७ जिल्लामा जिल्ला प्रशासन कार्यालयमार्फत् सरकारलाई ज्ञापनपत्र बुझाउने प्रस्तावसमेत पारित गरेको छ ।

प्रतिकृया दिनुहोस
SITENAME

अन्तर प्रदेश बैठक

 मंसिर २४ गते ।  मुख्यमन्त्रीहरुले केन्द्र सरकारले कानुन निर्माणमा ढिलाइ गर्दा प्रदेशले काम गर्न नपाएको गुनासो गरेका छन् । आइतबारदेखि

SITENAME

नेकपामा दुर्इ अध्यक्षको कार्यशैलीप्रति असन्तुष्टि चुलियो, चार शीर्ष नेताद्वारा बैठक बहिष्कार

नेकपामा दुर्इ अध्यक्षको कार्यशैलीप्रति असन्तुष्टि चुलियो, चार शीर्ष नेताद्वारा बैठक बहिष्कार मंसिर २३ गते । सत्तारुढ दल नेकपामा शीर्ष नेताहरूबीच

SITENAME

सांसदलाई डेरा छैन, मन्त्रीलाई घरैघर

सांसदलाई डेरा छैन, मन्त्रीलाई घरैघर मंसिर २२ गते । संघीय समाजवादी फोरमकी समानुपातिक सांसद कलुदेवी विकले जेठ २१ गते संसद् बैठकको विशेष समयमा भनिन्,