साक्षी महाराजले दिए राहुल गान्धीलाई चुनौती: उन्नावबाट चुनाव लडून्, हारे इटाली जाऊन्
 असोज २२ गते ।  भारतीय जनता पार्टी (बीजेपी) का सांसद साक्षी महाराजले कांग्रेस अध्यक्ष राहुल गान्धीलाई खुला चुनौती दिएका छन् ।

साक्षी महाराजले राहुल गान्धी आफूसँगै उन्नावबाट चुनाव लड्न आग्रह गर्दै जो हार्छ उसले राजनीति छाड्नु पर्ने बताएका छन् ।

साक्षी महाराजले आजतकसँग कुरा गर्दै भने, ‘राहुल गान्धी उन्नाव आएर चुनाव लडून् । उनलाई खुला च्यालेन्ज भयो । म हारे भने राजनीति छोडिदिन्छु, उनी हारे भने इटाली जाऊन् ।’

साथै साक्षी महाराजले यस पटकको चुनावमा राहुल गान्धी जहाँबाट उठे पनि नजित्ने दावी गरेका छन् ।

साथै राम मन्दिरको मुद्धामा साक्षी महाराज भन्छन्, ‘राम मन्दिर बनिसकेको छ । भलै सानो होस् । अब विश्वको कुनै पनि तागतले मस्जितदको नाममा त्यहाँ एउटा इँटा पनि राख्न सक्दैन ।’

उनले २०१९ को लोकसभा चुनाव अगाडि नै अयोध्यामा राम मन्दिरको निर्माण सुरु हुने बताएका छन् ।

साक्षी महाराज २०१४ को लोकसभा चुनावमा उत्तर प्रदेशको उन्नावबाट सांसदमा निर्वाचित भएका थिए ।  त्यस्तै उनी यसअघि सन् १९९१ मा मथुरा, १९९६ र १९९८ मा फरुख्खाबादबाट लोकसभामा निर्वाचित भएका थिए ।

उनी पटक–पटक आफ्ना विवादित अभिव्यक्तिका कारण चर्चामा आइरहन्छन् । उज्यालो अनलाइन

अफ्रिकामा गधा चोरीका घटना बढ्दै, औषधि बनाउन बर्सेनि लाखौँ गधा मारिने गरेको खुलासा

  फागुन ४ गते । अफ्रिकासँगै गधाको सङ्ख्या धेरै भएका देशमा गधा चोरीका घटना बढ्न थालेका छन् ।  मानिस, पानी, खानालगायत सामान ओसारपसारमा प्रयोग हुँदै

गाजामा बन्धक बनाइएकाका परिवार न्याय खोज्दै अन्तर्राष्ट्रिय अदालतमा

  फागुन ३ गते । गाजामा बन्धक बनाइएका झण्डै एक सय परिवारका प्रतिनिधिले इजरायली विद्रोही समूह हमासविरुद्ध अन्तर्राष्ट्रिय फौजदारी अदालत ९आईसीसी० मा

पाकिस्तानका पूर्वप्रधानमन्त्री खानलाई गैर-इस्लामिक विवाह गरेको अभियोगमा ७ वर्ष जेल सजाय

माघ २३ गते । पाकिस्तानको एक अदालतले पूर्वप्रधानमन्त्री इमरान खान र उनकी श्रीमतीको विवाह गैर(इस्लामिक र गैरकानुनी भएको फैसला गर्दै सात वर्षको जेल