ताजा खबर

अमेरिकाको सर्वोच्च अदालतको न्यायाधीशमा ब्रेट क्याभानो नियुक्त

RadioTaplajung

अमेरिकाको सर्वोच्च अदालतको न्यायाधीशमा ब्रेट क्याभानो नियुक्त
असोज २१ गते । अमेरिकाको सर्वोच्च अदालतको न्यायाधीशमा राष्ट्रपति डोनल्ड ट्रम्पले मनोनयन गरेका ब्रेट क्याभानो नियुक्त भएका छन् ।

अमेरिकी सिनेटमा भएको मतदानमा क्याभानोको पक्षमा दुई मत बढी परेपछि उनी सर्वोच्च अदालतको न्यायाधीशमा नियुक्त भएका हुन् ।

अब उनी आजीवन यो पदमा रहने छन् । अमेरिकी सिनेटमा भएको मतदानमा क्याभानोको मनोनयन अनुमोदनको पक्षमा ५० मत परेको थियो भने विपक्षमा ४८ मत परेको थियो ।

क्याभानोमाथि विभिन्न महिलाले यौन हिंसाको आरोप लगाएपछि उनको नियुक्तिको विषयमा अमेरिकी समाज विभाजित भएको थियो ।

किशोरावस्थामा भएको भनिएको यौन हिंसाका बारेमा महिलाहरुले बोलेपछि सिनेटको न्यायिक समितिले दुवै पक्षसँग घटनाबारे जानकारी लिएको थियो ।

अन्तिम समयमा आएर संघीय जाँच आयोगले समेत घटनाको छानबिन गरेको थियो ।

संघीय जाँच आयोगले गरेको अनुसन्धानका क्रममा क्याभानो दोषी नदेखिएपछि नियुक्तिको प्रक्रियालाई मतदानमा लगिएको थियो ।

मतदानमा केही डेमोक्र्याटिकसहित पहिले विपक्षमा उभिएका महत्वपूर्ण रिपब्लिकन सिनेटरले पनि पक्षमा उभिने निर्णय गरेपछि उनलाई सर्वोच्चको न्यायाधीश बन्ने बाटो खुलेको हो ।

यसलाई राष्ट्रपति ट्रम्पको राजनीतिक जितका रुपमा लिइएको छ ।

उनले प्रस्ताव गरेका काभानोगको नाम सिनेटले अनुमोदन नगरेको भए ट्रम्पलाई ठूलो राजनीतिक झड्का लाग्ने थियो ।

काभानोगको नियुक्ति अनुमोदन भएसँगै अमेरिकी सर्वोच्च अदालतमा कन्जरभेटिभको पकड बलियो भएको छ ।(एजेन्सी)

प्रतिकृया दिनुहोस
RadioTaplajung

अफ्रिकामा गधा चोरीका घटना बढ्दै, औषधि बनाउन बर्सेनि लाखौँ गधा मारिने गरेको खुलासा

  फागुन ४ गते । अफ्रिकासँगै गधाको सङ्ख्या धेरै भएका देशमा गधा चोरीका घटना बढ्न थालेका छन् ।  मानिस, पानी, खानालगायत सामान ओसारपसारमा प्रयोग हुँदै

RadioTaplajung

गाजामा बन्धक बनाइएकाका परिवार न्याय खोज्दै अन्तर्राष्ट्रिय अदालतमा

  फागुन ३ गते । गाजामा बन्धक बनाइएका झण्डै एक सय परिवारका प्रतिनिधिले इजरायली विद्रोही समूह हमासविरुद्ध अन्तर्राष्ट्रिय फौजदारी अदालत ९आईसीसी० मा

RadioTaplajung

पाकिस्तानका पूर्वप्रधानमन्त्री खानलाई गैर-इस्लामिक विवाह गरेको अभियोगमा ७ वर्ष जेल सजाय

माघ २३ गते । पाकिस्तानको एक अदालतले पूर्वप्रधानमन्त्री इमरान खान र उनकी श्रीमतीको विवाह गैर(इस्लामिक र गैरकानुनी भएको फैसला गर्दै सात वर्षको जेल