र्बार्सिलोना र रियलले बराबरी खेले

SITENAME

 

 २४ बैशाख 

यो सिजनको अन्तिम एल क्लासिको २–२ गोलको बराबरीमा टुंगिएको छ । दोस्रो हाफको ४५ मिनेट १० खेलाडीमा सीमित रहेर पनि बार्सिलोनाले रियल मड्रिडलाई बराबरीमा रोकेको हो ।  घरेलु मैदानमा बार्सिलोनाले सुरुवाती अग्रता बनाएको थियो । उसका लागि सर्जियो रोबर्टोको पासमा लुइस स्वारेजले १० औँ मिनेटमा गोल गरेका थिए । 

तर, त्यसपछि गोल गर्ने पालो थियो क्रिस्टियानो रोनाल्डोको । उनले खेलको १४ औँ मिनेटमा करिम बेन्जेमाको सहयोगमा गोल गरेपछि खेल १–१ को बराबरीमा आयो । 

पहिलो हाफको अन्तिम मिनेटमा सर्जियो रोबर्टोले रातो कार्ड पाउँदै बाहिरिएपछि बार्सिलोना १० खेलाडीमा झर्यो । तर, उसले दोस्रो हाफमा पनि दबाबको महसुस गरेन । 

बार्सिलोनाका लागि स्टार स्ट्राइकर लियोनेल मेसीले खेलको ५२ औँ मिनेटमा लुइस स्वारेजको पासमा गोल गर्न सफल हुँदै २–१ को अग्रता दिलाए । 
१० खेलाडीमा झरेपछि डिफेन्समा केही सन्तुलन गुमाएको बार्सिलोनाविरुद्ध रियलले केही आक्रमणका प्रयास गर्यो । जुन प्रयास ७२ औँ मिनेटमा सफल भयो । यो पटक ग्यारेथ बेलले गोल गर्दै खेललाई बराबरीमा ल्याए । 

बेलको गोलपछि दुवै टोलीबाट थप गोल हुन सकेन । बार्सिलोनाले ला लिगाको उपाधि पक्का गरिसकेको अवस्थामा यो भिडन्त दुई क्लबबीचको प्रतिष्ठाको मात्रै लडाइँ थियो । योसँगै जारी सिजनको ला लिगामा बार्सिलोनाले अपराजयको कीर्तिमान कायमै राख्न सफल भएको छ । 

बार्सिलोनाविरुद्धको खेलमा रियलका स्ट्राइकर क्रिस्टियानो रोनाल्डो भने घाइते भएका छन् । बार्सिलोनाविरुद्ध खेलमा एंकलमा चोट लागेपछि उनी पहिलो हाफ सकिएपछि मैदान प्रवेश गरेनन् । 

लिभरपुलविरुद्ध च्याम्पियन्स लिगको फाइनल हुनु तीन साता अघि रोनाल्डो घाइते भएपछि रियल मड्रिडमा तनाव बढेको छ । यद्यपि उनको उपचार सुरु गरिएकाले चोटबारे विस्तृत जानकारी सार्वजनिक गरिएको छैन । 
अन्नपर्णपोष्टबाट

प्रतिकृया दिनुहोस
SITENAME

डीपीएल : रुपन्देही च्यालेञ्जर्सको लगातार दोस्रो जित, विराटनगर किंग्स ५ विकेटले पराजित

माघ २९ गते । धनगढी प्रिमियर लिगमा रुपन्देही च्यालेञ्जर्सले लगातार दोस्रो जित निकालेको छ । आज भएको खेलमा रुपन्देहीले विराटनगर किंग्सलाई ५ विकेटले

फुटबलका नवयुग र जुडोकी देविका वर्ष उत्कृष्ट खेलाडी

माघ २८ गते । नेपाली राष्ट्रिय फुटबल टोलीका फरवार्ड नवयुग श्रेष्ठ र जुडोकी देविका खड्का झापा स्पोर्टस् अवार्ड २०७४ बर्ष उत्कृष्ट खेलाडी घोषित भएका छन्

SITENAME

बराबरीमा रोकियो बार्सिलोना, सिटीसँग चेल्सीको लज्जास्पद हार,युभेन्टसको सहज जित

माघ २८ गते ।  स्पेनिस ला लिगामा शीर्ष स्थानको बार्सिलोनाले एथ्लेटिक क्लबसँग गोलरहित बराबरीमा चित्त बुझाएको छ । यो बराबरीले बार्सिलोनाले रियलसँगको