ताजा खबर

ताप्लेजुङका गाउँघरका पसलैपिच्छे ढिके नुन

RadioTaplajung

ताप्लेजुङका गाउँघरका पसलैपिच्छे ढिके नुन
रेडियो ताप्लेजुङ,मंसिर १९ गते । “साहुजी ढिके नुनको त गोदामै छ त ?,”पत्रकार आनन्द गौतमले दोभान बजारका एक पसलेलाई भने,“ढिके नुन र आयो नुन कुन बढि विक्री हुन्छ ? यसरी अव्यस्थित राखिएको नुनको बोरा हराउदैन ?” दोकानमै ग्राहकलाई चौपाया बाध्ने दाम्लो बेच्दै गरेका संञ्चालक दिपक धितालले भने,“दुवै नुन बरावर विक्री हुन्छ । सायद आयो नुन भन्दा कम मूल्य परेर होला !” दोभानकै व्यवसायी गुरु पौडेलले बार्षिक चार ट्रक बढि ढिके नुन विक्री गर्छन् । पौडेलले भने,“पहिले भन्दा अहिले अलिक कम विक्री हुन्छ । सायद गाउँघरमै दोकान खुलेर होला ।” प्रतिबोरा (५० केजी) ७ सय पचास रुपैयाँ पर्छ ।

जिल्लाकै दोश्रो ठूलो बजार हो दोभान । नुनदेखि सुनसम्म कारोवार हुन्छ । अझ तमोर नदिमाथि मोटरेवल पुल बनेकाले मेची–कोसी राजमार्ग जोडिएसँगै आवतजावत बाक्लिएको छ । दैनिक उपभोग्य सामाग्रीको किनबेच हुने यहाँका प्रत्येकजसो पसलमा ढिके नुनको गोदाम छ । घरका पेटीदेखि गोदाममा ढिके नुन थन्क्याएका छन् । दोभान बजारमा मात्र होइन,मैवाखोला गाउँपालिका केन्द्र साँघुमा लाग्ने औशी पुर्णे हटियामा मानाका हिसाबले ढिके नुन किनबेच हुन्छ । धरान–धनकुटा–तेह्रथुमको बसन्तपुरहुँदै साँघुसम्म गुड्ने मालवहाक सवारी साधनबाट ढिके नुन प्रशस्त आयात गर्छन् । मैवाखोला गाउँपालिका अध्यक्ष राजन थत्लुङ लिम्बूका अनुसार गाउँघरमा मान्छे र चौपायालाई खुवाउन ढिके नुनकै प्रयोग बढि हुन्छ । अध्यक्ष लिम्बूले भने,“हुनत आयो नुनको प्रयोग बढ्दो छ । तर अपेक्षाकृत बढेको छ्रैन् ।” जिल्लाकै खाम्दिमे बजारमा पनि ढिके र आयो नुनको प्रयोग समान छ । व्यवसायी डिल्ली थेबेका अनुसार ढुवानीका साधन खच्चडमा हप्तामा डेढ दुई सय बोरा नुन उठ्छ । शिक्षित परिवार र होटलमा मात्र आयो नुन प्रयोग गर्ने गरेको पाइएको छ ।

जिल्लामा वार्षिक ढिके नुनको आयात तथ्याङ छैन् । यद्यपी सदरमुकाममा प्रयोग न्यून पाइएको छ ।
चेतना अभावले ढिके नुनको प्रयोग हटेको छैन् । अझ जिल्लाको फक्ताङलुङ गाउँपालिका–७ ओलाङचुङगोलामा तिब्बतको नुन प्रयोग गरिन्छ । नेपालमा उत्पादित नुन ढुवानी महँगो पर्ने भएकाले उतैबाट ल्याउने गरिएको वडाअध्यक्ष छेतेन वालुङले बताए । फक्ताङलुङ,सिरीजंघा र सिदिङमा गाउँपालिकास्थित गोठ व्यवसाय गर्नेले तिब्बतबाट ल्याएको नुन प्रयोग गर्ने गरेका छन् । स्थानिय सरकारले ढिके नुनको असर र आयो नुनको प्रयोगको फाइदाबारे जनचेतनामूलक कार्यक्रम संञ्चालन गर्नुपर्ने खाँचो औल्याएका छन् ।

 

 

प्रतिकृया दिनुहोस
RadioTaplajung

पुनरावलोकन सहितको कार्य सम्पादन मूल्याङ्कन नतिजामा पनि मैवाखोला कोशी प्रदेश भरिमै प्रथम 

  ताप्लेजुङ , चैत्र ६ गते । कार्य सम्पादन मूल्याङ्कनको पुनरावलोकन सहितको नतिजाका आधारमा पनि ताप्लेजुङको मैवाखोला गाउँपालिका कोशी प्रदेशमा प्रथम

RadioTaplajung

पाथीभरा याङवरक खुल्ला ब्याडमिन्टन प्रतियोगिता सम्पन्न

  किरण गदाईली थेचम्बु,फाल्गुण ३० गते । पाथीभरा याङवरक गाउँपालिकाले ७ औं स्थापनना दिवसको अबसरमा आयोजना गरेको ब्याडमिन्टन प्रतियोगिता बुधवार

RadioTaplajung

फक्ताङलुङ गाउँपालिकामा विषेशज्ञ सहितको निःशुक स्वास्थ्य शिविर आजबाट सुरु 

प्रिशा बस्नेत , ताप्लेजुङ , फाल्गुन २९ गते । ताप्लेजुङको फक्ताङलुङ गाउँपालिकामा विषेशज्ञ सहितको निःशुक स्वास्थ्य शिविर आजबाट सुरु हुँदैछ । एक एक